خللى بالك من كلامك

#خللى _بالك

خللى بالك من كل كلمة بتقولها وقت المشاكل

***انا كفرت عن ذنوب ما عملتهاش ***

فى ناس وقت الstress بتحب تقول الجملة دى من الفيلم كأنها هزار وفى نفس الوقت بتعتبر عن خنقتهم وان المشاكل كترت عليهم من كل حتة ..
لازم نبقى عارفين ان انت بتجذب لحياتك اللى انت عليه مش اللى انت بتفكر فيه وده كلام واين داير  يعنى لو انت بتقول الجملة دى ومتأثر بيها اوى يبقى انت حاسس بأن الحمل تقيل عليك وانك مش مستحمل  كتر المشاكل اللى فى حياتك ...بس فى آيه فى القرآن الكريم بتقول:

(لَهُ مُعَقِّبَاتٌ مِنْ بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ ۗ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ ۚ وَمَا لَهُمْ مِنْ دُونِهِ مِنْ وَالٍ)
[Surat Ar-Ra'd 11]

يعنى ربنا عمره ما بيحمل حد اكتر من طاقته
وان المشاكل اللى انت فيها دى انت اللى السبب فى انها تحصل زى الامراض مثلا وعندنا  الآية الكريمة بتقول:

(وَإِذَا مَرِضْتُ فَهُوَ يَشْفِينِ)
[Surat Ash-Shu'ara 80]

يعنى المرض احنا تسببنا فيه وكتير مننا عرفنا ان الأمراض بيكون اصلها فكرة وتحولت لمعتقد أثر على صحتك.

فلازم اما نحس بالضيق نرجع للحظة بتاعتنا دلوقتى ونخللى بالنا بوعى من كل كلمة بنقولها ومنقولش اى كلام ممكن يدخلنا فى بندول سلبى ..ونقول الاحسن :قدر الله وما شاء فعل..  ونتقبل الموقف...ونركز عالايجابى اللى موجود دلوقتي في حياتنا ونمتن ليه لحد ما تحس ان مشاعرك ارتفعت شوية وقتها ترجع المشكلة.. بس تبصلها بشكل موضوعى وتفكر فى حل وتبقى عارف ان انت عندك احتمالات لانهائية فى كل لحظة. .ممكن تختار اللى انت عايزه..